ADAT BATAK

Adong perbedaan pandangan soal posisi ni tulang rorobot dinamangulahon adat halak batak. Molo hubereng sude do denggan do nian. Sude i tergantung luatna jala ulaon adat aha nadiulahon. 

Molo hubereng sabola luat toba dohot di tano parserakan.

Molo ulaon habot niroha. 

Contoh: Matuama sahalak natuatua (amanta). Nadiadathon dison amanta naung monding ima. 

Posisi ni tulang rorobot ima tulang ni inang pangittubuna. 

Molo diluat humbahas bagian tu pakkat, parlilitan, barus, manduamas, tapteng dohot sebagian tapanuli utara posisi ni tulang rorobot gabe tulang ni parsondukna (istrina). Molo tulang ni inangna gabe digorahonma tulang pangabis. 

Beralih majo hita tu pengertian ni ROROBOT.

Molo artini tulang rorobot dibuat sian situasi alam. Bahasa batak kata dasar "robot" artina indonesiana "sore"

Robot ari artina sore hari. Nungnga lao golap ari, manang nga lao suda arian. Gabe seringma didok robot niari, habis robot niari masuk ma tu waktu botari artina malam hari. Sian pengertian ni bahasa on boi hita simpulhon arti ni tulang rorobot ima tulang ta naterakhir nama dihita, nalao selesai. Ima asa dibaen khususna di toba gabe dibaenma tulang ni tulang manang tulang ni dainang sebagai tulang rorobot. Dang be sijalo jambar molo diulaon ni anakhonna on. 

Tulang ni parsonduk bolon gabe digorahon ma tulang mangihut. Boasa tulang mangihut? Alana mangihuthon hula-hulana ma on. Jala biasana gabe sahali masuk ma hula-hula dhot tulang mangihut diulaon adat saurmatua (amanta).

Dangna mandok naso tikkos paradaton diluat naasing. Alai patorangkon alasanna paradaton naditoba do, boasa tulang ni dainang gabe dibaen posisi tulang rorobot boasa dang tulang ni parsonduk bolon. Sesuai pengertian nai ma,  rorobot. Unang sukkun sukkun rohani dongan namangulahon adat diluat naasing. Makana adong hata, "disi tano nidege disi langit nijujung" Pepatah mandok,  lain lubuk lain ikannya. Aha ulaon adat natadapothon dihuta i ima nagabe taulahon secara mardame-dame.

Jadi molo diulaon ni anakna. 

Contoh : Pangoli anak. 

Orangtua mangulahon adat nianakhon alai anggo nadiadathon anakhon do.

Alani ido tulang rorobot dison gabe tulang ni uma ni pangoli. Ido umbahen adong mandok, halak batak tubu tu portibion nga adong tulang rorobotna.

 

Songoni ma saotik naboi hutulis di blog on. Jala na hutulis on berdasarkan pengalaman do on dinamangihuthon mangulahon adat batak di daerah tobasa, tapteng, humbahas, pematangsiantar, medan.

Dang pola siperdebathononton on, alai mola adong akka pengalaman dhot akka masukan dan saran positif boi dibaen.

Mauliate. Horas, horas, horas..!

Mungkin tulisan naberikut naeng bahason, Posisi sihutti appang, ise do na tikkos molo diulaon adat batak?  Alana adong mambaen ibotoni pangoli, adong muse mambaen namboruna.

Pematangsiantar

Ttd

Erwin Sumerham Purba Rambe